Frilyndte ungdomslag, side 280
Her står det mellom anna slik: «I fire hundre år hadde dansk språk og kultur rådd grunnen i Noreg, og no var det stadig fleire som ville byte ut det danske med det norske. Ivar Aasen arbeidde fram eit norsk skriftspråk omkring 1870 – tufta på bygdemåla over heile landet.» Rett tidfesting skal vere omkring 1850.

To Nese-naust brann opp, side 402
I boka står at Johan Klokk eigde det eine naustet. Det rette er Peter Severin Klokk. Det var heller ikkje Johan Klokk og Johan Longvanes som henta material frå gamlesjukehuset i Ålesund, som det står i boka, men Daniel Straume og Peter Severin Klokk. Elles er historia rett.